இறைவனை தேடும் உலகத்தில் பாடல் வரிகள் - 60 வயது மாநிறம்

பாடல் வரிகள் : பழநிபாரதி, இசை : இளையராஜா பாடியவர் : இளையராஜா  

ஆண் : இறைவனை
தேடும் உலகத்தில்
இவரோ மனிதனை தேடுகிறார்
இறைவனை தேடும் உலகத்தில்
இவரோ மனிதனை தேடுகிறார்
மனது இருப்பவன் தானே
மனிதன் அவனே தேடுகிறான்

ஆண் : இந்த உலகத்தில்
அவன் கிடைப்பனோ
எந்த உலகத்திலே இருப்பானோ
இந்த உலகத்தில்
அவன் கிடைப்பனோ
எந்த உலகத்திலே இருப்பானோ
அவனை தேடுதல் போலே
இவனே தன்னையே தேடுகிறான்
தன்னையே தேடி தேடி இவர்கள்
அவனை மறந்துவிட்டார்

ஆண் : இறைவனை
தேடும் உலகத்தில்
இவரோ மனிதனை தேடுகிறார்
மனது இருப்பவன் தானே
மனிதன் அவனே தேடுகிறான்

ஆண் : பொன்னும் மணியும்
பூட்டி வைத்தவன்
இன்னும் கோடி தேட
கோடி கோடி குவித்து வைத்தவன்
கோட்டை கொடியை தேட

ஆண் : ஆசை தீர ஆடி பார்த்தவன்
அடுத்த உயரம் தேட
உச்சம் தன்னை தொட்டு நிற்பவன்
உச்ச புகழை தேட

ஆண் : தேடலே இந்த வாழ்க்கையின்
தேவையாய் ஆனதே
ஆயுளின் மொத்த காலமும்
தேடியே போனதே

ஆண் : அந்த இறைவன் இறைவன்
பூமிக்கு வந்தான்
இதயம் ஒன்றை தேடி
அது கிடைக்கவில்லை போடி

ஆண் : இறைவனை
தேடும் உலகத்தில்
இவரோ மனிதனை தேடுகிறார்
மனது இருப்பவன் தானே
மனிதன் அவனே தேடுகிறான்

ஆண் : வாட்டம் இன்றி
காற்றை போலவே
வாழும் மனிதம் எங்கே
ஆட்டம் போட்டு கூட்டம் கூட்டியே
ஆழும் மனிதன் இங்கே

ஆண் : கொஞ்சம் மனிதம்
நெஞ்சில் வைத்து
தான் மிஞ்சும் மனிதன் எங்கே
நெஞ்சம் எங்கும்
வஞ்சம் சேர்த்து தான்
எஞ்சும் மனிதன் இங்கே

ஆண் : யாருமே இல்லை என்றுதான்
யாருமே இல்லையே
கருவிலே தோன்றும் உயிரெல்லாம்
கடவுளின் பிள்ளையே

ஆண் : அட மனிதா மனிதா
அலைச்சலை ஒளித்து
அமைதி ஒன்றை தேடு
அது கடவுள் வரைந்த கொடு

ஆண் : இறைவனை
தேடும் உலகத்தில்
இவரோ மனிதனை தேடுகிறார்
மனது இருப்பவன் தானே
மனிதன் அவனே தேடுகிறான்

ஆண் : இந்த உலகத்தில்
அவன் கிடைப்பனோ
எந்த உலகத்திலே இருப்பானோ
இந்த உலகத்தில்
அவன் கிடைப்பனோ
எந்த உலகத்திலே இருப்பானோ
அவனை தேடுதல் போலே
இவனே தன்னையே தேடுகிறான்
தன்னையே தேடி தேடி இவர்கள்
அவனை மறந்துவிட்டார்

ஆண் : இறைவனை
தேடும் உலகத்தில்
இவரோ மனிதனை தேடுகிறார்
மனிதனை தேடுகிறார்
மனிதனை தேடுகிறார்

Read the rest of this entry »

மூங்கில்வனம் - 4 - SURYA XAVIER

"திங்கள் முடி சூடும் மலை
தென்றல் விளையாடும் மலை
தங்குமுகில் சூழும் மலை
தமிழ் முனிவன் வாழும் மலை
அங்கையற்கண் அம்மை
திருவருள் சுரந்து
பொழிவதெனப் பொங்கருவி
தூங்குமலை பொதிய
மலையென் மலையே" என்று பொதிகையைப் புகழ்ந்து குறத்தி பாடுவதாக குற்றால குறவஞ்சி கூறுகிறது.
பொதிகையின் உயர்ந்த இடத்திற்கு ஏக பொதிகை என்று பெயர்.இங்கு தான் அகத்தியர் வாழ்ந்ததாக வாய் வழக்கு. இந்த இடத்திற்கு அகத்தியர் மொட்டை என்று பெயர்.இங்கிருந்து கீழே பார்த்தால் ஒரு குளம் தெரிகிறது.இதுவே தாமிரபரணி தன் பயணத்தைத் தொடங்கும் பூங்குளம்.(படத்தில் உள்ளதே பூங்குளம்)
பூங்குளத்திற்கு நேரடியாகச் செல்லும் பாதை இல்லை.அகத்தியர் மொட்டையிலிருந்து காணலாம். அங்கிருந்து 2000 அடி பள்ளத்தில் பூங்குளம் தெரிகிறது.ஏக பொதிகைக்கு அருகே நாக பொதிகை உண்டு.கருவுற்ற பெண்ணைப் போல காட்சி தருகிறது. இங்கு இரவில் ஒளிரும் தன்மை கொண்ட மரங்கள் உண்டு.
பூங்குளத்தைத் தாண்டினால் வரும் அடுத்த இடம் இஞ்சிக்குழி. இங்கு காணி பழங்குடி மக்களின் குடியிருப்பு உள்ளது. காலத்தைக் கணிக்கும் கணியர்களே காணிகள்.யார் அவர்கள்? அகத்தியரால் அழைத்துவரப்பட்டதாகக் கூறுகிறார்கள். குறவர்,பளியர் வரிசையில் பழங்குடி மக்கள் என அரசு குறிப்புகளில் உள்ளது. ஆவோலை வேய்ந்த குடிசைகளே இவர்களின் குடியிருப்பு.
இவர்களின் குடிசை பெரும்பாலும் ஆறு கால்கள் (கம்புகள்) கொண்டே அமைக்கப்பட்டுள்ளது. கணவன்,மனைவி,குழந்தை ஆகிய மூவருக்கும் ஆறு கால்கள் என்பதே கணக்கு.கோவில் இல்லாத ஊரில் குடியிருக்காதே என்றது வைதீகம். இவர்கள் தெய்வம் இல்லாத இடத்தில் தான் குடிசைகளை அமைக்கிறார்கள். தெய்வம் இல்லாத இடம் எது என்பதை அறிவது அவர்களின் தலைவர் மூட்டுக்காணியின் பொறுப்பு.தெய்வத்தை மனிதர்கள் தொந்தரவு செய்யக்கூடாது என்பதே விளக்கம்.
இவர்களுக்குள் கையில்லம்,மூட்டில்லம் என இரண்டு பிரிவுகள் உண்டு.இல்லம் பார்த்தே இல்லறம் செய்கின்றனர்.இல்லம் மாறி காதலிக்க முடியாது. இரத்த வகை சார்ந்தே இந்தப் பிரிவுகள் உள்ளது.இல்லம் மாறி காதலித்தால் முதுகில் கல் ஏற்றி தண்டனையும் உண்டு. இவர்களின் குல தெய்வம் தம்பிரமுத்தான்.மலையில் கண்ணாடி பாறை அருகே தம்பிரமுத்தான் கோவில் உள்ளது. கொக்கரை எனும் இசைக்கருவி இசைத்து வழிபாடு நடக்கிறது.
இஞ்சிக்குழியைக் கடந்தால் அடுத்து வரும் இடம் துலுக்கர் மொட்டை.துலுக்கர் என்பது இஸ்லாமியர்களை குறிப்பதாக உள்ளது.துலுக்கர் என்பது துருக்கர் என்பதன் மறுவலே.துருக்கியர்கள் இந்தியாவிற்குள் வந்ததன் அடையாளமே.


இங்குள்ள துலுக்கர் யார்? சதுரகிரி சித்தர் ராமதேவர் என்பவர் தவம் செய்ததாகவும் அவர் பின்னாளில் யாக்கூப் என்ற பெயரில் இஸ்லாமியராக மதம் மாறியதும் தான் துலுக்கர் மொட்டை என அழைக்கக் காரணம்.
துலுக்கர் மொட்டையை அடுத்து பாண தீர்த்தம்.தமிழகத்தின் ஆதிப் பழங்குடி ஐந்தில் ஒன்றே பாணர்கள். இவர்களால் இது பாண தீர்த்தம் என அழைக்கப்படுகிறது. இந்த பாண தீர்த்த அருவியில் குளிப்பது பேராணந்தம். இந்த மலையில் இருக்கும் மற்றொரு இடம் பாண்டியன் கோட்டை. விக்கிரபாண்டியன் எனும் மன்னனால் கட்டப்பட்ட மூலிகை கோட்டை இது.இப்போது சிதலமடைந்து கிடக்கிறது.சாண்டில்யன் எழுதிய மூங்கில் கோட்டை நாவல் இதைப் பற்றியதே.
இந்தக் கோட்டையிலிருந்து பாபநாசம் வரை 127 முரசு மண்டபங்கள் இருந்ததாக வரலாறு. எதிரிகள் கோட்டைக்குள் வந்துவிடாமல் இருக்க முரசு கொட்டி கோட்டைக்கு தகவல் தெரிவிப்பது. இதன் மையமான இடத்திற்கு கொட்டும் தளம் எனப் பெயர்.மலையில் மின்சாரவாரிய ஊழியர்கள் தற்போது இருக்கும் லோயர் கேம்ப் பகுதியே கொட்டும் தளம்.
தமிழகத்தின் பலருக்குமான 64 குல தெய்வங்கள் ( சாஸ்தாக்கள்) ஒருங்கே அமையப்பட்ட கோவில் இங்கு உண்டு. தாமிரபரணி ஆறு கோடு கிழித்தப் பாறையின் நடுவே உள்ள சொரிமுத்து அய்யனார் கோவில். இந்தக் கோவிலின் வரலாறை பிறகு அறியலாம்.இந்தக் கோவில் வரலாறை 2001 ம் ஆண்டு நூலாக எழுதியுள்ளேன்.
தாமிரபரணி பூங்குளத்தில் புறப்படும் முன்பே பேயாறு,சிற்றாறு,உள்ளாறு ஆகிய மூன்று நதிகள் கலந்துவிடும்.காரையாறு,மயிலாறு,பாம்பாறு ஆகிய மூன்றும் பாணதீர்த்தத்திற்கு முன்பு தாமிரபரணியில் கலந்துவிடுகிறது. இந்த ஆறு ஆறுகளை இணைத்துக் கொண்டு காரையாறு அணையை அடைகிறது. அந்த அணை கட்டிய வரலாறு துயரமும் மகிழ்ச்சியும் கலந்தது.
தாமிரபரணி மூங்கில் வனத்துக்குள் பாய்ந்து புன்னக்காயலில் கடலில் கலக்கிறது. தாமிரபரணியை நாளை அறியலாம்.தாமிரபரணியின் துணை ஆறுகள் 137. இத்தனை குழந்தைகளையும் அணைத்துக் கொண்டே தாமிரபரணித்தாய் செல்கிறாள்

Read the rest of this entry »

மூங்கில்வனம் 3 - சூர்யா சேவியர்

அந்த மலைத்தொடர் மிகவும் உயரமானது.கடல் மட்டத்திலிருந்து 6800 அடிகள்.எப்போது மழை பெய்யும்,எப்போது மழையை நிறுத்திக் கொள்ளும் என்று யாருக்கும் தெரியாது.சந்தன மரங்கள் அடர்ந்த பகுதி.இப்போது மரங்கள் வெட்டிக் கடத்தப்பட்டுவிட்டது.
250 சதுர கிலோ மீட்டர் அடர்ந்த காடுகளையும்,படர்ந்த மரங்களையும் கொண்ட பகுதி.மழை பெருக்கெடுக்கும் காலங்களில் இங்கு வெள்ளமும் பெருக்கெடுக்கும்.மற்ற காலங்களில் நீர் ஊற்றாகக் கசிந்து கொண்டிருக்கும்.ஐந்து உயரமான சிகரங்களைக் கொண்ட இடமே சந்தனப் பொதிகை.
பொதிகை என்றால் ரகசியம் என்று பொருள். பொதி என்றால் பிணைப்பு, தொகுதி, முளை, அரும்பு என்ற பொருளும் உண்டு.பூமியில்
அணுக்கள் ஒன்றாக இணைந்து வெப்பம் தனிந்து இறுகிய இடம் எனும்
பொருளில் பொதிகை எனப்படுகிறது. செடி,கொடிகள் அரும்பும் முதல்
இடம் இதுதான் என ஆய்வாளர்கள் கூறுகின்றனர்.
பொதிகையை ஏகபொதிகை,நாக பொதிகை என பிரித்துள்ளார்கள்.ஏக பொதிகையில் இருந்து வலது புறமாக 5 கிலோமீட்டர் தொலைவில் நாகபொதிகை உள்ளது.
புவிப்பரப்பில் முதலில் தோன்றிய நுண்ணுயிர் முதல் மனிதனுக்கு முந்தைய மந்திகள் வரை அனைத்தும் பொதிகையில் உண்டு.குலவு,புலவு.சர்க்கரை வேம்பு,பாப்பிக் கொடி,கருநீலி,மயிற்சிறகை,கட்டுக் கொடி,செருப்படை போன்ற மூலிகைகளும்,தாவரங்களும் அடர்ந்து கிடக்கும்.
பளிங்குகாய்,கல் தாமரை,கீரிக்கிழங்கு, பொன்கொரண்டி ஆகிய மருத்துவ மூலிகைகளும் ஆலம்,சாலம்,காந்தம்,கூந்தல் உளளிட்ட 10 வகை பனைகளும் உள்ளன.கல்வாழை, ஞாற வாழை உள்ளிட்ட 7 வகை வாழைகள் உள்ளன.
உலகின் முதல் மலைகளுள் ஒன்று என்றால்,மொழியும் இங்கிருந்து தான் தோன்றியிருக்க வேண்டும்.தமிழ் பிறந்த மலையும் இது.இங்குள்ள பரதேசிபடவு என்ற இடத்தில் தமிழின் வட்டெழுத்துக்கு முந்தைய ஆதி 15 எழுத்துகள் உள்ளன.யாரும் இதுவரை படித்தறிய முடியவில்லை.
எப்போதும் பறவைகள்,விலங்குகளின் சத்தம் கேட்கும் இந்தக் காட்டில் நீர் ஓடி வரும் அழகைக்காண கோடி கண்கள் வேண்டும்.26 சுனைகளில் துளித்துளியாக சேர்ந்த நீர் ஓரிடத்தை அடைகிறது.அந்த இடத்தைச் சுற்றி அழகிய கருடமலர்கள் பூத்துக்குலுங்குகிறது. கருடமலர்கள் பூப்பதை வைத்தே மழை பொழிவதை கணக்கிடுகிறார்கள்.அதிகமாக பூத்தால் அந்தக்காட்டில் அடை மழைதான்.


பூங்குளத்தில் உள்ள கருடமலர்கள் பூப்பதை வைத்து மழை பொழிவதை கணக்கிடுவதாகச் சொன்னார்கள்.யார் அவர்கள்? இயற்கையை உடையாகக் கொண்டு வாழும் ஆதிப்பழங்குடியினர் தான்.காணிகள் என அழைக்கப்படுகிறார்கள்.இவர்களுக்கு இணையான வானிலை ஆய்வாளர்கள் ஒருவரும் இல்லை. இன்றும் அங்கு வாழ்கிறார்கள் நவீனத்தின் வாசலுக்குள் வந்தும் வராமலும். காலத்தை கணித்தவர்கள் என்பதால் கணியர்கள் என்பதே காணி என்றானதாகவும் சொல்லப்படுவதுண்டு.
கருடமலர்கள் சுற்றி நிற்கும் அந்த இடத்திற்குப் பெயர் பூங்குளம்.பூக்கள் சுற்றி நிற்பதால் தான் பூங்குளம்.இங்கிருந்து தான் தாமிரபரணி தன் பயணத்தைத் தொடங்குகிறது.இந்த அடர்ந்த மலைக்குள் ஒரு கட்டை மனிதர் வாழ்ந்தார்.அவரைப்பற்றி அறிய மனம் முற்படுகிறது.வேறு யார் அகத்தியர் தான்.அகத்தியரின் வாழ்க்கையை அறியச் சென்றால் அது புராணக்கதைக்குள் செல்கிறது.
அகத்தியரும் ஒருவரல்ல.பல அகத்தியர்கள் வருகிறார்கள்.தாமிரபரணியில் வாழ்ந்தவர் தமிழ் அகத்தியர்.ரிக் வேத காலத்தில் கங்கை கரையில் வாழ்ந்த அகத்தியன் சமஸ்கிருத அகத்தியன். காவிரியில் ஒரு அகத்தியர் உண்டு.அவர் தமிழ் அகத்தியரைப்போல திருமணமாகாதவர் அல்ல.காவேரி,லோப முத்திரை என இரண்டு பெண்களைத் திருமணம் செய்தவர்.
அகத்தியர் யார் என அறியவேண்டுமானால் தமிழுக்கு இலக்கணம் வகுத்த தொல்காப்பியரிடம் செல்ல வேண்டும். ஏனெனில் அகத்தியரின் மாணவரே தொல்காப்பியர். அகத்தியர் சித்தர்களின் தலைவர். சித்தர்கள் ரகசியம் நிறைந்தவர்கள். கடவுளை மறுத்தவர்கள்.அகத்தியர் ரகசியங்களின் ரகசியம்.

Read the rest of this entry »

வாடிவாசல் - சூர்யா சேவியர்

வாடி என்றால் பொதுவான இடம் என்றே பொருள். மீன் குவியலாக வைத்திருக்கும் இடத்திற்கு மீன்வாடி என்றும், மர வியாபாரம் நடக்கும் இடத்திற்கு மரவாடி என்றும், விறகு வியாபாரம் நடக்கும் இடத்திற்கு விறகுவாடி என்றும் பெயர்.
லின் முகப்புப் பகுதியில் தென்கலை வைணவக் குறியீடு இருக்கும். வடகலை, தென்கலை என்பதெல்லாம் வடமொழி, தென் மொழி சார்ந்ததே. இராமானுஜரின் தென்கலை வைணவர்களே திருமலை நாயக்கர்கள். இவர்கள் காலத்தி தான் காளைகள் வாடிவாசல் என்று அமைக்கப்பட்டு வெளியேற்றப்பட்டது.
பெண்களை வாடி - போடி என்றும்,
வாமா -போமா என்றும்,
வாடா-போடா என்றும்,
"பா' என்றும் "செல்லம் - குட்டி' என்றும் அழைப்பது அனைத்து ஆண்களின் வழக்கமாக இருக்கிறது.
என்ன அர்த்தத்தில் அவர்களை அப்படி அழைக்கிறார்கள்?

(மா..டி..பா..டா..குட்டி..செல்லம்) இதற்கு எல்லாம் ஒவ்வொரு அர்த்தம் இருக்கிறது.
"மா' என்று அழைப்பது அவர்களை ஒரு தாயாக நினைப்பது.
"பா' என்று அழைப்பது அவர்களை தந்தைக்கு நிகராக நினைப்பது.
"டா' என்று அழைப்பது அவர்களை தன் தோழனுக்கு நிகராக நினைப்பது.
அதாவது ஆணுக்கு பெண் சமம் என்ற அடிப்படையில் நினைப்பது.
"குட்டி' என்று அழைப்பது குழந்தைக்கு நிகராகவும்,
"செல்லம்' என்று அழைப்பது தன்னுடைய அன்புக்கு நிகராகவும் அழைக்கிறார்கள்.
"டி' என்ற வார்த்தை தன்னுடைய மனைவி மற்றும் காதலியிடம் மட்டுமே பயன்படுத்துகிறார்கள்.
" டி" என்பது எந்த உறவுமற்ற பொதுச் சொல்லே.
"டி' பயன்படுத்தத் தொடங்கும் காலம்
90 நாட்களுக்குப் பிறகே.
 

கணவன் " டி" போட்டுப் பேசத் தொடங்கினால் மனைவி அதிக கவனத்தோடு இருக்க வேண்டும்.
கொளுத்திப் போடுவோம்.
அலங்காநல்லூர் வாடிவாசல் முன்பு எடுத்த படம்.
ஆதிகாலத்தில் துளசி நிறைந்த காட்டுப்பகுதி இது.
அலங்கை என்றால் துளசி என்றே பொருள்.
மார்வார் எனும் கிழக்கு ராஜஸ்தான் பகுதியிலிருந்து வந்தவர்கள் மார்வாரிகள். இவர்கள்தான் மார்வாடிகள் என அழைக்கப்படுகின்றனர்.வாடி என்பது சந்தை சார்ந்த சொல் என்பதால் வியாபாரிகளை இங்குள்ளவர்கள் மார்வாரிகள் என்றழைக்காமல் மார்வாடிகள் என்றார்கள்.
வணிகர்கள் கூடும் இடமாக ஆலமரம் இருந்தது.ஆலமரத்தடியின் அடியிலேயே பெரும் சந்தைகள் கூடும்.இந்த வணிகர்களே பனியா என்றழைக்கப்பட்டவர்கள். இதைப் பார்த்த ஆங்கிலேயர்கள் ஆலமரத்தை தங்களின் ஆங்கில அகராதியில் இணைத்த சொல்லே பானியன் ட்ரீ என்பது. இங்கிருந்து எடுத்துச் செல்லப்பட்ட சொல்லே பானியன்.

Read the rest of this entry »

பொங்கல் தமிழர்களின் பண்டிகையா? SURYA XAVIER

பொங்கல் தமிழர்களின் பண்டிகை என்பதற்கும்
தமிழர்கள் சாதி மதம் அற்றவர்கள் என்பதற்கும் இந்த ஒன்றும் உதாரணம்.
பொங்கல் அன்று விளக்கின் முன்பு தீபம் ஏற்றி உழைக்கும் மக்கள் தாங்கள் உற்பத்தி செய்த காய்கறி,கிழங்கு வகைகளை வைப்பார்கள்.
இந்த கிழங்கு வகைகளில் சேனை,சேம்பு, கருணை,சிறுகிழங்கு,பனங்கிழங்கு கண்டிப்பாக இடம் பெறும்.
இந்த ஐந்து கிழங்குகளும் காலங்காலமாக பெருந்தெய்வக் கோவில்களுக்குள் எடுத்துச் செல்லமுடியாது.
ஏனெனில் உழைத்தவர்கள் உருவாக்கிய பொருட்கள் அவைகள்.அவை தீட்டான பொருட்களாம். புனிதம்,தீட்டு என்பதெல்லாம் ஆதிக்க வர்க்க மதிப்பீடுகளே.
விவசாயம் செய்வது இழிவான செயல் என்கிறான் மனு.
பிராமண,ஷத்திரியர்கள் வாணிபம் செய்து பிழைத்த போதும், உடல் முயற்சியும்,பிறர் தயவை நாடத்தக்கதாகவும் உள்ள விவசாயத் தொழிலை மேற்கொள்ளக் கூடாது. (மனுதர்மம் 10:83)
உழைப்பவர்கள் குறித்து மாமேதை ஏங்கெல்ஸ் கூறும் இக்கருத்து மனுவிற்கு சாட்டையடி.


"முழுமையாக உழைக்கும் மக்கள் கூட்டமானது,அவர் தம் இன்றியாமையாத உழைப்பில் முழுக்கவனமும் செலுத்தி வருவதால், அவர்களுக்கு உழைப்பின் தன்மை,சட்டப் பிரச்சனைகள்,அரசு விவகாரங்கள்,கலைஅறிவியல் போன்ற சமூகத்தின் பொதுவான விபரங்களை கவனிக்க நேரமில்லாமல் போகிறது.
இத்தகைய சூழ்நிலையில் ஒரு தனி வர்க்கம் தன்னை உழைப்பிலிருந்து முழுமையாக விடுவித்துக் கொண்டு மேற்கண்ட விவகாரங்களை நிர்வகிக்கும் உரிமையைத் தனதாக்கிக் கொள்கிறது
அத்துடன் தனது சொந்த நலனுக்காக,
உழைக்கும் கூட்டத்தின் மீது மேலும் மேலும் உழைப்பின் சுமையைத் திணிக்கிறது".(osipov:1969,51)
கூடுதல் தகவல்.
காய்கறிகள் என்று நாம் சொல்கிறோம்.
காயோடு கறியை ஏன் சேர்த்துச் சொல்கிறோம்?
கிபி 15 ம் நூற்றாண்டில் சிலி நாட்டிலிருந்து மிளகாய் இங்கு வந்து சேர்ந்தது.
அதற்கு முன்பு உணவில் உரைப்பிற்காக கருப்பு மிளகு பயன்படுத்தப்பட்டது.
இந்த கருப்பு மிளகிற்கு கருங்கறி என்று பெயர்
காயும்-கருங்கறியும் இணைந்து இருந்ததால் காய்கறி என்று வழங்கப்படுகிறது.
பொங்கல் எந்த மதம் சார்ந்த பண்டிகையும் அல்ல.
உழைப்பவர்களின் பண்டிகை.

Read the rest of this entry »